Unsay buhaton adunay sayop nga entry sa marriage certificate?

Dear Atty. Divine,

Duna koy pangutana labot sa sayop nga entry sa akong date of birth sa among Marriage Certificate. Ang nabutang nga akong date of birth sa among Marriage Certificate kay April 1, 1985 inay April 1, 1975. Niadtong 2008 mi gikasal. Ang akong pangutana kun makaapekto ba sa validity sa among kasal ang sayop nga entry sa Marriage Certificate? Unsa may akong buhaton aron makurihi-an kining sayop nga entry sa akong date of birth.  Daghang salamat. --Lyca

Dear Lyca,

Ang sayop nga entry sa Marriage Certificate dili maka apekto sa validity sa inyong kasal basta natuman lang ang tanang rekisitos niini nga gilatid sa balaod. Mamahimo lang invalid ang kasal kun pananglit gikasal mo at that time nga diin ang usa kaninyo ang minor de edad pa. Basi sa atong Family Code, ang rekisitos sa pagpakasal nga makaapekto sa validity niini mao ang edad sa nagpakasal nga kinahanglan 18 anyos pataas na, kinahanglan adunay valid marriage license, dunay marriage ceremony ug kinahanglan nga adunay authority to solemnize marriage ang nagkasal ninyo ug uban pang rekisitos nga nalatid sa balaod. Ang maayo nimong buhaton karon mao ang pagpa correction sa entry sa imong Marriage Certificate ngadto sa Local Civil Registrar diin mo narehistro. Kinahanglan nga imong ipakita ang imong Birth Certificate gikan sa PSA og uban pang mga dokumento nga mopamatuod sa imong date of birth. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.