Unsay buot ipasabot sa counterfeit charism?

Mogawas nga dunay kasamahan ang maong mga gasa ngato sa tinuod nga mga gasa. Ang nakalain lamang mao ang ilang mga tinubdan.

Ang tinuod nga mga gasa gikan sa Espiritu Santo samtang ang mga mini nga mga gasa gikan man sa yawa.

Naglangkob kini ning mosunod: Clairvoyance, pagbasa sa mga auras, pagbasa sa kasingkasing sa tawo ingon man third eye ug mga tinagong mga kahibabalo ug kinaadman.

Ang si bisan kinsa nga naghupot ning mga butanga ang dili moangkon nga ang ilang nahuptan matawag nga mga false charisms apan kumbinsido sila nga ang ilang nahuptan gasa gikan sa Dios. Gumikan ning maong mga mini nga mga gasa kun counterfeit charisms ang hingtungdan nakasinati og usa ka espirituhanong pagkabuta.

Ang balaang kasulatan nag-asoy nga adunay mga mini nga mga gasa nga naglihok uban sa mga tinuod nga mga gasa.

Kini naglangkob ning mosunod:

a.  Ang mga salamangkero ni Paraon batok ni Moises (Ex. 7;22ff)

b.  Sugilanon ni Balaam (Num. 22)

c.   Sila si Pablo ug Silas batok sa manalagna sa Filipo (Buh. 16;16-21)

d.  San Pedro ug San Juan batok kang Simon Mago (Buh. 8;9-24)

e.  San Pablo batok sa pito ka mga anak ni Sceva (Buh. 19;13-20).

Ang pagkaanaa sa mga mini nga mga gasa maoy nakatukmod ni San Juan sa pagpasidaan nga kinahanglanglan nga sulayan ang matag Espiritu sanglit daghan namang mga mini nga mga propeta nga nagpasad ning kalibutan. (1 Jn. 4;1). Si San Pablo nagdasig nga kinahanglang pangitaon gyud ang nahimong bunga sa Espiritu dili lang Sa pagpangita sa gahom nunot niini.

Hinunoa ang bunga sa Espiritu nagdala man og gugma, kalipay, kalinaw, kaayo, pagkamatinud-anon, kalumo ingon man pagpugong sa kaugalingon, pagkamalahutayon. (Gal. 5;22-23).

Si San Pablo nagpahimangno sa mga taga Corinto nga ang bisan unsang gahom nga walay gugma, wala kini kapuslanan. (1 Cor. 13;1-3)