Mga gasa gikan sa Espiritu Santo

Diha sa bag-ong tugon adunay kawhaag-pito ka mga gasa nga hinatag sa Espiritu Santo.

Mabasa kini ning mosunod nga mga teksto:  Buh. 2; 1 Cor. 12, Rojm. 12, Ef. 4. Hinuon diha sa Unang Sulat ni San Pablo nga sa Taga  Corinto (1 Cor. 12;4-11) ang nagbatbat sa siyam ka mga dili kasarangang gasa gikan sa Espiritu Santo.

Hinuon ang pundok sa mga Charismatic Renewal ang nisumada niini ngadto sa mga tulo ka mga dili kasarangang gasa. Ug kini naglangkob ning mosunod:

Gasa sa Grasya (Charis) ang gahom sa pagsulti. Usahay gitawag kini nila og Word Gifts. Kuyog niini ang pagpanagna (Prophecy) Glossolalia, ingon man ang Paghubad (Gift of Interpretation).

1. Propesiya. Diin ang tawo o katilingban ang nakadawat sa mensahe sa Dios.

Wala kini magpasabot nga ilambigit dayon kini sa pagpanagna.

Matud pa ni San Pablo nga tumong ning maong gasa mao ang pagtukod, pagdasig ug paghupay sa katawhan sa Dios. (1 Cor. 4;3).

2. Glossolalia (Pagsulti sa Nagkadaiyang mga Pinulongan). Mensahe gikan sa Dios nga pagabungaton usa ka tawo o mga tawo.

Mahimong mahitabo kining maong hitabo kun phenomenon diha sa mga katilingbanong pundok. Ang mga eksorsista nagpasidaan nga angayang magbinantayon ang tanan labina nga dunay mga tawo nga nasudlan og mga yawa (Possessed State) nga nisulti usab og lainlaing mga pinulongan.

Kini tungod kay dunay kahimtang nga gitawag pud og counterfeit charism.

3. Paghubad sa Glossolalia ngadto sa pinulongan nga masabtan sa kadaghanan.