Custody sa illegitimate child

Dear Atty. Divine,

Ang akong igsuon nabuntisan ug bag-o lang nanganak. Ang amahan sa bata maoy migasto kaniya sa pagpanganak sa hospital apan nagbuwag na sila sa amahan sa bata sa wala pa siya manganak. Karon, gusto sa amahan sa bata nga siya ang mo-custody sa ilang anak kay mas maka-afford daw siya mopaeskwela niini ug mas makahatag kuno siya og hayag nga kaugmaon sa bata. As of now, way trabaho ang akong igsuon. Ang akong pangutana, dapat bang itugyan sa akong igsuon ang custody sa iyang anak ngadto sa amahan niini? Daghang salamat. —Gwen

Dear Gwen,

Basi sa atong balaod, ang mga illegitimate children automatic nga ubos sa parental authority ug sole custody sa inahan. Kini bisan pa kun moingon ang amahan nga mas maka-afford siya mopa-eskwela og mopadako sa bata. Basi sab sa atong balaod, obligado ang amahan nga mosuporta sa iyang anak nga naglakip sa iyang pagkaon, education, tambal, transportation ug uban pa. Busa, bisan pa kun way trabaho ang imong igsuon, mabuhi gihapon ang iyang anak ug dapat mangayo siya og financial support gikan sa amahan sa bata. Ang atong balaod naglatid usab nga ang bata nga below seven years old kinahanglan nga dili kini ibuwag sa inahan, ug tungod niini wa gyuy legal basis ang amahan nga mo-insist sa pag-custody sa bata. 

Thank you and God bless. — Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.