Maria inahan sa kalingkawasan

Si Eba among Inahan

Sa lingla sa bitin nitahan

Sa paraisong gitagana

Sila gipapahawa!

Mariang among Inahan

Sa kabubut-on sa Dios ikaw nitahan

Uban ang pagpaubos ikaw nisanong

Tabernakulo ikaw sa Diosnong Pulong!

Maria, Inahan sa Kalingkawasan!

Sa dautan kami panalipdi!

Maria inahan sa kalingkawasan!

Sa mga gapos nga yawan-on kami badbari!

Gipanagna nga ikaw ang motunob

Sa ulo sa bitin nga manunukob

Si Satanas kanimo nasilag

Kay dili siya makaharong sa imong kahayag!

Kun sa katapusan moabot ang armagedon

Tali sa Dios ug sa yawan-ong dragon

Sa imong panalipod kami masaligon

Aron ang yawa sa hingpit pagalaglagon!

Maria, Inahan sa Kalingkawasan!

Sa dautan kami panalipdi!

Maria inahan sa kalingkawasan!

Sa mga gapos nga yawan-on kami badbari!

Sa kalayo sa impiyerno kami ipahilayo

Pakganga ang paghasol sa demonyo

Dasiga ang among tanlag

Aron pinaagi kanimo kang Jesus dili kami mahimulag!