Giprenda ang house and lot

Dear Atty. Divine,

Ang house and lot sa among mga ginikanan, naprenda 10 years ago tungod sa pagka hospital sa akong igsuon human madisgrasya sa motor. Wa mabayri nila ni mama ug papa ang binuwan nga amortization niini sa bangko. Karong bag-o nakadawat na og demand letter sa bangko sila si mama ug papa nga pabayran na ang maong utang. Ang akong pangutana, unsay mahitabo kun dili mabayran ang maong obligasyon sa bangko? Daghang salamat.

Juvy

* * *

Dear Juvy,

Kun mapakyas ang imong mga ginikanan sa pagbayad sa ilang utang sa bangko, hayan ma-imbargo o ma foreclosed ang house and lot nga ilang gihimong collateral sa maong utang. Mas maayo mapangitaan nila og paagi nga mabayran sa hinay-hinay ang utang aron dili hingpit nga mawala kanila ang ilang pinuy-anan. Sagad nga buhaton sa bangko kun dili makabayad kanila ang borrower, ilang i-foreclosed ang property ug ilang ipa public bidding. Ang halin unya niini maoy ilang gamiton isip bayad sa utang. Hinuon adunay 1-year nga redemption period ang imong mga ginikanan from the registration of the sheriff’s certificate of foreclosure sale. Buot ipasabot nga bisan kun nahalin na ang house and lot atol sa public bidding, mamahimo pa gihapon kini nilang malukat apan within 1 year lang. Kun di nila malukat sud sa usa ka tuig, then hingpit nang maangkon sa bidder sa ilang house and lot. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa  [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.