Alkontra sa EJKs
Si Chel Diokno, nasudnong presidente sa Free Legal Assistance Group (FLAG), nga nakatabang sa pagsugod sa imbestigasyon sa Human Rights Committee sa House of Representatives sa extrajudicial killings (EJKs) ni kanhi Presidente Rodrigo Duterte, sa wala pa matukod ang Quad Committee, maoy labing una nga nakaluwat og mga rekomendasyon aron nga dili na mahimong “killing machine” ang Philippine National Police (PNP) sa umaabot nga mga administrasyon:
Pagkiha aron masilotan ang tanang responsable sa EJKs ug lapad nga binayranay apil na si Duterte ug iyang mga sinugo;
Pagdili sa paghimo og pataka nga narco ug drug lists nga gigamit ni Duterte nga kahimanan batok sa iyang politikanhong mga karibal ug personal nga mga atraso;
* * *
Pagpasar sa PNP Discipline Act nga mohatag sa eksklusibong gahom pagdisiplina sa kapolisan ngadto sa Civil Service Commission (CSC), kay dili man kasaligan nga mga polis ra say mangimbestigar sa badlungong mga polis, ug ang mga biktima makapasaka og mga kasong administratiba atubangan sa CSC kansang mga desisyon ma-apelar sa mga korte;
Pagpahamtang sa panginahanglan sa clearance gikan sa Commission on Human Rights (CHR) para sa tanang PNP appointments ug promotions, suguon ang PNP sa pagpublikar sa gisugyot nga appointments ug promotions aron mahatagan og kahigayonan sa pagbabag ang mga biktima sa mga pangabuso sa hingtungdang mga opisyal;
* * *
Pag-imbestigar sa mga pasangil nga ang binilyon ka pesos nga confidential ug intelligence funds (CIF) sa mga Duterte sa Davao City maoy gigamit sa duguong mga operasyon sa Davao Death Squad (DDS);
Paghunong sa pagtudlo og aktibo o retiradong mga opisyal sa kapolisan sa sibilyan nga mga ahensiya sa gobyerno;
Puno sa Statement of Assets, Liabilities, and Net Worth (SALN) nga gisugo sa Code of Conduct and Ethical Standards for Public Officials and Employees (RA 6713), papirmahon ang tanang mga opisyal sa gobyerno og waivers sa Bank Secrecy Law ug Data Privacy Act aron sayon ra ang pag-imbestigar kon nagtago ba sila og ilegal nga katigayonan;
* * *
Pagpasar ang Death Recording and Investigation Law, nga mosugo og autopsies sa mga indibiduwal nga napatay sa kadudahang mga sirkumstansiya; ug
Pagpapas sa PNP Crime Laboratory aron kapulihan og independente nga ahensiya nga pangulohan sa forensic experts.
* * *
- Latest
