Tiunay ang kasingkasing ni Inday

Migahob ang tumang kalipay sa pagpinalakpakay taliwala sa dakong kagubot ug pagpanghasi sa kapolisan ni Presidente Bongbong Marcos Jr. sulod sa Kingdom of Jesus Christ (KOJC), Davao City, dihang nakita sa KOJC members, ang pag-abot ni Bise Presidente Sara ‘Inday’ Z. Duterte aron pagtambong sa ilang ika-39th Feast of the Passover of KOJC sa miaging Septembre 1, 2024.

Sa iyang pagdiskurso, siya miingon: “I will be with you always…Dili man tuod ako pirmeng makaanhi tipon ninyo, apan akong kasingkasing anaa kaninyo…”

Unya gihisgotan ni Inday ang bahin sa Disaster Fund, Disaster Operations Center ug Disaster Response nga gipanday sa Office of the Vice President uban sa iyang kaubanan, diin aduna g'yuy libro silang tamdan sa higayon nga mohasmag ang nagkadaiyang kalamidad sama sa bagyo, linog, baha ug uban pa.

Apan adunay matang sa disaster nga wala nila kapangandami. Ug mao kini ang yawan-ong man-made disaster nga nahitabo sulod sa KOJC. Busa, si Inday miasoy: “So, nasabi ko sa mga kasamahan ko sa OVP... Ano ang dapat natin gawin sa krisis at disaster na ito? Lahat sila walang masagot. Pati ako, ang tagal nag-isip…At isa lang ang naisip ko. Sabi ko, as Vice-President at as a Dabawenyo, I will be there to comfort them!”

Ug wala kalikayi ang kasipa sa pagdayeg nga gipalanog sa nagmayang pinalakpakay human mabati ang mainitong gugma sa usa ka mapinanggaong inahan.

Unya sa pagpadayog diskurso, si Inday miprangka-kompisal. Dihang miingon kuno ang usa ka minister sa Kingdom sa prayer-speech niini nga ‘Love your enemies.’, wala gyod maglihok si Inday aron dili siya makasala. Kay matud niya, wala pa siya maabot sa maong level sama sa nakab-ot na nilang taga-KOJC.

Salabtonon ang gipamulong ni Inday. Tungod kay niining higayon nga gibinaboy sa adminstrasiyong Marcos ang pagtratar sa atong nasud ug katawhan, na-feel ni Inday nga dili pa yugto: “To love your enemies.” Kay kon iya kining buhaton, kinsa pa man ang moharang-makigsangka niining administrasiyong gilubgan na sa daolutan ang mga panghunahuna?

Tingale, kon ang tigre-buaya sa Malakanyang mapulihan nag agila sa Mindanao. Anha na makat-on si Inday sa pag-Love your enemies. Diin,  milyonmilyon usab nag-ampo: “Unta, People Power wins!