Videos
![](https://qa.philstar.com/images/authors/1337067.jpg)
Nanghipos na og ebidensiya ang National Bureau of Investigation (NBI) ug nasudnong kapolisan alang sa pagtaral ngadto sa hukmanan batok sa mga tawo nga maoy ilang gidudahan nga responsable sa pagpakatap sa peke nga video diin nakita nga nag gamit og gidili nga drugas si Presidente Bongbong Marcos Jr.
Ang video una nga migawas sa wala pa kini mokatap sa social media sa usa ka politikanhong tigum didto sa Los Angeles sa California sa nasud nga Amerika. Sa maong tigum nakita ang tigpamaba ni kanhi Presidente Rodrigo Roa Duterte nga si Atty. Harry Roque. Mihatag usab sa iyang mensahe sa tigum pinaagi sa video ang kanhi Presidente nga si Digong.
Sigun sa pagtuon nga gihimo sa mga eksperto sa NBI nga ang dagway nga anaa sa video dili si Presidente Bongbong Marcos kun dili laing tawo apan gipagawas lamang kini sa video nga dagway sa Presidente.
Kun atong mahinumduman panahong sa milabay nga presidential election gitawag ni President Digong nga bangag ang kandidato nga si Bongbong Marcos.
Wala motug-an ang NBI ug kapolisan kinsa ang ilang gidudahan nga nagpakatap sa peke nga video apan kun imong palawman ang imong pagsabot, dili ordinaryo nga tawo ang nagmando sa pagpakatap sa video tungod kay ang giigo sa video pinakataas nga opisyal sa nasud sa Pilipinas.
Mahadlok ang ordinaryong tawo nga mohimo sa nasud tungod kay sayod kita nga ang presidente ang pinakagamhanan nga opisyal sa nasud busa sayon lang ang pagila kaniya ug sa pagpatay kaniya. Ako nagtoo nga gamhanan usab ang nagsugo sa pahpskatap sa peke nga video sa Presidente.
Kining maong hitabo makapabalaka kini sa katawhan kana tungod kay nabutang niini sa alanganin ang seguridad sa matag usa kanato. Sayonan mo niana nga nahimo man gani kini sa mga responsable ang pagpeke sa video sa presidente nga gamhanan unsa pa kaha ngadto sa usa ka ordinaryo lamang nga Juan Dela Cruz. Mao nga mo-aksiyon na kita ani kabalaka. Sa laing bahin, mikatap usab sa social media ang sex video sa artista nga si Mark Anthony Fernandez. Ambot ug tinuod ba usab ang maong sex video.
Samtang sa dakbayan sa Lapu-lapu midangop sa NBI ang usa ka 23-anyos nga Koreano human hulgaa sa gikarelasyon niining sakop sa LGBT nga i-post s social media ang ilang sex video. Nasikop ang mahuyang human nakuhaan og napulo ka libo ka pesos nga marked money atol sa gipahigayon nga entrapment operation. Ang leksiyon nga makuha nato ning maong hitabo nga ayaw gayod kamo pagsuway sa pagkuha og sex video panahon sa pagdimdim ninyo sa langitnong kalipay aron dili kamo mabalaka nga adunay mokatap nga sex video tali kanimo ug sa imong gikauban sa sex. Ayaw nalang gyod mo sa pagsuway aron wala gyod kamoy kabalakan.
- Latest