Pangulo dapat magtrabaho

Moduha na ka tuig ang pagka-presidente ni Bongbong Marcos Jr. (PBBM) sa Pilipinas human niya mailad ang 31 milyones kapin ka botanteng maoy mipadaog niya. Sa katam-is niyang modiskurso, nagtuo gayod ang BBM-SARA Uniteam diehard supporters nga ipadayon niya ang mga dalayegong kausaban sa nasud nga nasugdan na pagpondar ni kanhi Presidente Rordrigo Roa Dutette (FPRRD).

Gani, ubay-ubay kanila migasto sa kaugalingon nilnag kuwarta aron ipalit og tarpaulins, t-shirts ug uban pang campaign materials. Diin, hasta construction workers, kinsa mga anti-Marcoses, ilang nakombinse. Apan unsa bay gibuhat ni Bongbong dihang na-Presidente na?

Pastilan, mora gyod siyag kabayong mola nga nakabuhi sa kuwadra. Hala, sugod dayog lupad bisag asang nasod, pasangil lang og state visit, pero ang tinuorayng tumong mao lamang diay ang paglingawlingaw ug pag-usik-usik sa kuwarta sa katawhan

Gisaway-gukod pa ang Duterte brand nga war on drugs, nga nakapahadlok sa illegal drugs syndicates ug giilisag war on drugs-tatak Marcos, nga nakapabalik pag-abunda sa negosyong shabu, nakapasulbong pag-ayo sa crime rate ug nakapaabsuwelto sa tanang illegal drugs cases ni kanhi Senador Leila de Lima.

Ug ang kahilig ni PBBM ug Unang Pamilya pagpahigayog eleganteng kalingawan taliwala sa giatubang tang national crisis, diin nakapahingawa sa makaluluoyng katawhan, kinsa dili gustog gubat, kondili, kalinaw!

Niadtong Hunyo 30, 2024 mipasiugdag mahalong konsiyerto ang Malakanyang nga alang kuno sa healthcare workers. Pero walay healthcare worker nga gitaorag medalya. Sila si PBBM, Liza ug ilang mga alipores ra gyoy na-enjoy. Mikanta pag ‘Be My Lady’ si Bongbong uban ni Martin Nievera.

Mao nga sa usa ka press conference, dili mabasol si FPRRD diha sa iyang panawagan ni PBBM:

“Magtrabaho ka diyan! Dukdukin mo yong mukha mo diyan sa mesa. You work. We paid you. We elected you and we are paying you. Magtrabaho ka. Do not worry. Nobody, but nobody is interested or are, na tanggalin ka!”

Adunay halawom kahulogan ang kataposang linya sa mensahe ni FPRRD. Matud niya, walay angay kahadlokan si PBBM kay walay interesadong mopapalayas niini, basta, motrabaho lang. Unyag dili? Wala ba gihapoy kahadlokan? Dili kaha matinuod kadtong bahad nga kon unsay nahitabo sa amahan, basin mao poy mahitabo sa anak?

Busa, Pangulo, dapat magtrabaho ka!