Adios Nyor Rudy!
Nitambong ko sa funeral mass alang kang Monsenyor Rudy usa sa Cebu Metropolitan Cathedral.
Daghang mga pari ang nitambong mga Sugboanon ug sa taga laing dyosesis.
Kini sa bugtong rason nga kasagaran namo niagi man sa iyang mga kamot.
Ang mga kanta sa misa iyang mga komposisyon. Dunay uban nga nanghilak ug naguol gumikan sa iyang pagtaliwan.
Apan niabot naman gyud ang iyang takna ug dili kini angay ikaguol sanglit bisan pa man kun siya tawhanon apan dako ang pagtuo nga iyang gikakuyog karon ang Ginoo nga iyang gidayeg sa iyang mga alawiton.
Ang cancionero Cebuano, salterio Cebuano 24 masses ug uban mga legasiya nga iyang gibilin alang kanato nga nakapahimulos dako uyamot sa maong mga obra.
Sa akong pagpauli sa parokya diin ako nadestino akong gibitbit ang maong kasinatian.
Nga diha diay sa atong kinabuhi taliwala sa atong limitasyon atong ihatag ang pinakamaayo ngadto sa Dios ang angay gayud sa Dios. Salamat nyor Rudy sa imong legasiya! Salamat gyud kaayo!
- Latest
