Planong ipausab ang citizenship sa birth certificates sa iyang anak
Dear Atty. Divine,
Aduna koy illegitimate child apan gi acknowledge siya sa iyang amahan nga usa ka Chinese. Usa ko ka Filipina ug anaa nako nagdako ang akong anak.
Ang gibutang nga citizenship sa akong anak sa iyang birth certificate, Chinese. Apan tungod aning kontrobersiya sa usa ka mayor nga gi-imbistigar sa Senado, nakahuna- huna sab ko kun mamahimo ba nga ipausab nako ang nabutang nga citizenship sa birth certificate sa akong anak from Chinese to Filipino kay tinuod man gyud ko nga Filipina nga maoy iyang inahan? Unsay pwede nakong buhaton? Daghang salamat.
Carla
* * *
Dear Carla,
Kun ang entry sa citizenship na ang imong ipausab sa birth certificate sa bata, kinahanglan na gyud ka nga moagi sa korte.
Ang imong buhaton mao ang pag-file og petition ngadto sa Korte alang sa mao nimong tinguha og aduna kini hearing og mo presentar ka og mga ebedensya.
Wa kini assurance nga ma grant sa court kay magdepende man kini sa imong mga ebidensya nga ipresentar.
Mas maayo nga moduol ka sa imong abogado aron iyang matun an ang imong kaso. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
