Sayup ang entry sa titulo

Dear Atty. Divine,

Nagpalit ko og yuta ug ang akong igsuon ang akong gisuhulan sa pag-process sa pag-transfer sa tittulo niini. Karong bag-o nadawat na nako ang kopya sa  bag-o nga titulo apan adunay sayop sa entry sa gidak-on sa yuta sa maong title. Kay inay 500 square meters nga maoy akong napalit ug maoy nabutang sa Deed of Sale, apan ang mi appear sa akong bag-ong titulo 400 square meters ra man. Unsay akong buhaton aron makurihi-an kining akong titulo? Daghang salamat. -- Cathy

* * *

Dear Cathy,

Kun bag-o pa nimong nadawat ang titulo mamahimo pa kini nimong ibalik ngadto sa Register of Deeds nga nag-issue niini ug imong pakurihi-an. Imong sulti-an nga nasayop ang nabutang sa  imong titulo sa gidak-on sa imong yuta. Imo sab nga dad-on ang imong kopya sa Deed of Absolute Sale aron maoy ilang reference sa pagsubay sa imong file. Ang tanang original nga kopya sa imong mga dokumento anaa man sa Register of Deeds busa mas dali ra kining nilang subayon. Kinahanglan imo dayon kining asikasuhon kay ang Register of Deeds adunay lay gihatag nga pipila ka adlaw sa pagpakurihir sa bisan unsang sayop sa titulo gikan sa ilang pag-release niini. Kun madugay ka sa pag-process sa correction ug di kini nimo ma-submit kanila sa gitakdang panahon hayan moagi ka na sa korte kun aduna kay gustong ipausab sa imong titulo og mas taas na kini nga proseso kay magkinahanglan na kini og hearing og magkinahanglan sab ikaw og abogado. Thank you and God bless. -- Atty. Divine

* * *

Alang sa inyong pangutana, palihug sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.