Sugod sa Jerusalem

 Maayong Balita

Ang mga tinun-an nagmagul-anon nga nagpanaw padulong sa balangay nga ginganlan og Emaus. Sa maong panaw nikuyog si Jesus apan wala sila makaalinggat kanila.

Kini tungod kay nalumsan sila sa tumang kaguol. Apan nibati sila sa kainit sa ilang kasingkasing sa dihang gipasabot sila ni Jesus mahitungod sa kasulatan.

Iya silang gipasabot nga ang mensahe sa kapasayloan ug kaluwasan isangyaw sugod sa Jerusalem. Ug nga sila ang nahimong mga saksi kalabot niini.

Kasinatian

Gumikan sa naghinobrang kagul-anan nga atong nasinati angayan natong hinumdoman nga usahay nakalimot kita kang Kristo Jesus nga mas labaw pa kaysa atong mga suliran, Jesus is bigger than our problems!

Lihok

Atong tugotan ang Nabanhaw nga Ginoo nga mokuyog kanato sa atong panaw! Ang Balaang Kasulatan, ang atong mga pagtambong sa mga sacramental nga kasaulogan sa simbahan mga kahimanan man sa pagsinati nato sa Buhi nga Dios sa atong kinabuhi.

Buhi siya sa kanunay ug kalipay niya nga magpabilin kita nga mabuhi sa paagi nga madagayaon!

Pangamuyo

Ginoo himoa kaming mabuhi ingon nga ikaw buhi amo untang mapadayag ang among nabanhaw nga kinabuhi pinaagi sa among malipayong pagsaksi kanimo. Amen.