Legal separation

Dear Atty. Divine,

Minyo ko sud na sa napulo ka tuig ug wala mi anak. Dugay na nakong namatikdan  ang cold treatment sa akong bana. Mura siya og wa nay care ug wa nay pakialam nako. Nasakitan ko attorney kay siya ang akong gipili ug akong gibalibaran ang akong job offer sa abroad at that time kay di siya mosugot nga motrabaho ko sa gawas.

Unya karon, ingon ana ra diay ang dangatan sa among marriage. Karong bag-o attorney, akong nasuta nga naa gyud siyay laing babaye ug tungod niini, gusto nakong makigbuwag kaniya. 

Nagplano ko attorney nga mo file og legal separation. Ang akong pangutana, unsa may kalainan sa legal separation og sa annulment of marriage? Daghang salamat.

Queenie

* * *

Dear Queenie,

Ang grounds sa annulment of marriage ug sa legal separation managlahi ug ang legal effect niini, managlahi sab. Sa legal separation bisan kun ma-grant kini sa court dili ma-dissolve ang marriage bond, magpabilin gihapon mo nga minyo sa usa’g usa apan gitugutan lang mo sa korte nga magpuyo separately. Buot ipasabot nga dili ka makaminyo pag-usab kun legally separated ka kay ang inyong marriage bond nagpabilin man.

Samtang sa Annulment of Marriage kun ma grant kini sa korte, ma dissolve ang inyong kaminyuon o marriage bond ug tungod niini, mamahimo na kamo nga makaminyo pag-usab og laing binuhat. Kining legal separation mao ni best option sa ubang magtiayon nga adunay problema sa ilang marriage apan gustong maka move on sa positibo nga paagi, pamasin nga magkauli ra gihapon ang ilang maayong kabubut-on sa  umaabot nga panahon. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.