Probationary period

Dear Atty. Divine,

Nagtrabaho ko sa usa ka kompaniya sud na sa tulo ka tuig. Apan wala koy gipirmahan nga kontrata sa maong kompaniya labot sa akong status.

Nangutana ko sa among HR kalabot sa akong contract ug matud niya nga dili na daw kinahanglan. Ang akong pangutana unsa may akong proof nga regular employee nako kun wa koy gikuptan nga dokumento gikan sa akong company? Daghang salamat.

Dear Marilyn,

* * *

Basi sa atong Labor Code of the Philippines sa Article 296, kini nagkanayon nga ang Probationary employment sa usa ka kawani kinahanglan nga dili mosobra sa unom ka buwan gikan sa iyang pagsugod og trabaho gawas lang kon adunay apprenticeship agreement.

Buot ipasabot nga after 6 months sa imong pagtrabaho sa maong company nahimo kanang regular status.

Kini bisan pa kun wa kay kontrata o dokumento nga nadawat gikan sa imong company. Ang imong proof nga regular naka nga employee mao ang imong SSS, PhilHealth og PAGIBIG fund contribution, ug ang imong payslips.

Kini maoy mopamatuod nga dugay na ka sa maong kompaniya ug usa kana ka regular employee kaniadto pa. Thank you and God bless.

Atty. Divine

* * *

Alang sa inyong pangutana, palihug lang sa pag-email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.