Ang eklipse

Sa wala pa mahitabo ang eklipse daghang mga butang ang nakahatag og igong kabalaka sa katawhan labina sa mga dapit diin mahitabo ang path of totality. Daghang mga teoriya ang nanggawas ingon man sab daghang nanggawas nga mga doomsday prophets. Apan sa actual nga hitabo sa Abril 8, 2024 atong nakita sa youtube nga daghang mga tawo tuod nagkapundok sa mga dapit diin mahitabo ang eklipse.

Imbis malisang ug maguol segun sa gipaabot sa uban, atong nadungog ang mga hinugyaway nga sa ato pa, anaa ang kalipay kanila nga nakasinati sa aktwal nga hitabo. Talagsaon kini ug busa worth keeping matud pa.

Hinuon, nunot ning maong hitabo ang mga pahimangno sa Watchmen Earth and Space Connection kalabot sa mga linog gumikan sa mga movements sa mga plate boundaries ug uban pa.

Nunot niini daghang mga tawo usab ang nangaguol ug nabalaka gumikan sa pagtungha ning mga oarfish. Dili pa lang dugay anaa didto sa Bogo sa Amihanang Sugbo.

Kun ugaling matapos man ang kalibotan wala kitay mahimo sanglit ang tanan dunay katapusan. Bisan gani ang uniberso diin kita sakop ang nakita man nga kuno remnant sa mas una pang uniberso.

Ang atong adlaw nisulod na pud ug laing cycle nga maoy nakaapekto pag-ayo nato ning mga panahona karon.

Nagpasabot lamang nga dunay kinutoban ang tanan. Angayan ba kitang mahadlok niini? Ang tubag dili. Tungod kay mas dako ug lig-on ang Dios nga atong gisaligan.

Kun matapos man ang kalibutan dunay giandam ang Dios nga mas labaw pa kay niini. Amen!