Dili magsul-ob og underwear

Mitambag ang Department of Health (DOH) sa mga kababayen-an sa pagsul-ob og mga cotton underwear o ba kaha, dili na lang magsul-ob og underwear kon anaa sila sa ilang balay ni ng panahon sa ting-init aron malikayan ang fungal infections.  May punto ang maong sugyot.  Napamatud-an sa atong mga kaigsoonan g nitibo (natives), kinsa bahag lang ang gisul-ob, nga wala sila kasinati og mga fungal infections.  Makapahinumdum kini sa lalaki nga mitanyag og kinyentos pesos sa babaye aron mosaka sa punoan sa kahoy.  Mibalibad ang babaye kay kuno buot lang sa lalaki nga makita ang iyang panty.  Niini gitubag siya sa lalaki nga,  Aaw, kon dili ka gusto makita imong panty, hubo-a daan.   Madahaan!

Kadagkoan ang nailad

Mipasidaan sa Defense Secretary Gilberto Teodoro, Jr., sa katawhan nga dili magpailad sa propaganda sa China nga nagtabon sa isyu sa pagpangangkon sa China sa mga luna sa West Philippine Sea.  Gitumbok sa kalihim nga propaganda ang kabahin sa  gentleman s agreement  nga giingon g nasabutan sa panahon sa administrasyon g Duterte.  Angayan tingale nga ang mga dagkong opisyal sa kagamhanan maoy pasidan-an kay sila man ang nag-umol sa atong polisiya sa pag-atubang sa maong isyu.  Sa sitwasyon karon, mora g ang atong kadagkoan man maoy nailad sa propaganda.  Fezteleern!

Misilaob ang kalayo

Miulbo na usab ang panagbangi tali sa Cebu Port Authority (CPA) ug sa kagamhanan sa dakbayan sa Sugbo human gikondenar sa CPA ang pugsanon nga pagsulod sa port area sa mga opisyales sa dakbayan aron usab badlongon ang CPA sa giingon g mga kalapasan niini sa gisugdan niini nga mga proyekto.   Daw walay moatras sa duha sa ilang tagsa-tagsa ka baroganan.  Makapahinumdum sa magtiayon nga nagbungol apan nagkasabot nga ang una ng motingog maoy makalung-ag.  Miabot ang ilang kumpare nga nahibulong sa iyang nabatyagan sa duruha. Agi g komedya, iyang gigakos ug gihagkan ang iyang kumare dayon milakaw.  Misukmat ang babaye sa iyang bana kay wala mosanta sa gibuhat sa ilang kumpare.  Gitubag na hinoon siya sa iyang bana sa pag-ingon,  Halaaa, nitingog ay; siya y makalung-ag.   Pagkatoytoy!

Kaduha ma-ilad

Gidakop sa ahente sa NBI-National Capital Region ang usa ka giingon g scammer nga mopahigayon kuno og annulment sa kaminyoon apan migamit lang diay og mga bogus nga dokumento ingon man ang pasiatab nga aduna siya y mga kaila nga huwes ug makuha gilayon niya ang annulment bugti sa kantidad nga P 500,000.  Daw kaduha man mailad ang mga biktima.  Una, nailad sila sa kaminyoon nga dili maayo mao nga nangandoy nga magbulag.  Ikaduha, nailad na usab sila sa ilang pangandoy nga magbulag kay nabiktima man sila sa scammer. Maayo tingale, dili na lang sila magbulag.  Kay ginaingon bitaw nga,  Love is lovelier the second time around.   Aleleert!

Tumar og mora g tambal

Buot ni Senador Raffy Tulfo nga idili na ug kuhaon na sa mga botika ang giingon nga mga dili epektibo ng mga generic drugs ug nga angayan pasakaan og kaso ang mga pharmaceutical company nga naghimo sa maong mga tambal.  Maayo kini nga lakang.  Barato tinuod ang generic drugs apan kwestiyonable ang ilang ka-epektibo.  Makapahinumdum sa managhigala diin nangutana ang usa sa iyang kauban ngano nga daw luya man kini. Mitubag ang iyang higala nga mora kuno siya g gihilantan.  Gitambagan gilayon siya sa iyang higala nga,  Kon mora ka g gihilantan, tumar og mora g tambal aron mora pud ka g maayo.   Muleeng!