Sayup ang gender nga nabutang sa birth certificate

Dear Atty. Divine,

Dunay koy pangutana labot sa sayup nga entry sa akong birth certificate kay instead nga female ang nabutang kay male. Matud sa akong teacher nga kinahanglan nako ipausab ang maong entry kay kun mo take unya ko og board exam basin daw og masangit ko. Unsay angayan nako nga buhaton?

Juliet

* * *

Dear Juliet,

Kinahanglan gyud nimong pakurihian ang entry sa imong gender sa imong Certificate of Live Birth aron mabutang ang imong matuod nga gender niini. Actually, common gyud ni nga mga sayop sa mga Birth Certificate og mao sab ni sagad nakalangan sa uban sa pag-take sa mga board exams tungod sa ilang sayup nga entry sa birth certificate. Ang imong buhaton mao ang pag-adto sa Local Civil Registrar diin ka marehistro og imong sultian nga gusto nimo pakurihian ang imong gender sa imong birth certificate. Aduna silay list of requirements og usa na niini mao ang certification sa usa ka government doctor nga nagpamatuod nga wa ka mo undergo og any operations alang sa pag-usab sa imong gender. Ang imong petition for correction sa imong birth certificate adto ra usab nimo ifile sa Local Civil registrar og imo kining isubmit kanila uban sa mga requirements. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.