Mahal na ang tanan

Diri sa among sityo, mga ginagmay namong kompra- ari ra mi mamalit sa among mga silingan nga namaligya’g lamas ug utanon. Ilang baligya, dili kinilo, binuok na. Pananglitan, sibuyas Bombay – P10 ngadto sa P15 ang buok segun sa gidak-on. Sibuyas dahonan – P5 ang lusok; atsal, P15 ngadto sa P25 depende sa gidak-on; kamates, P6 ang buok (ilang kompra P150 ang kilo); ahos, P8 ang buok regular size; sayote, P15 ngadto P25 segun sa gidak-on.

Ambot mao ba usab kini ang mga prisyo sa kasilinginan sa ubang barangay. Ug tungod kay mahal na man kaayo ang ilang pagpangompra gikan sa Carbon o Taboan, dili na lang sila mamalit sa tanang gikinahanglan nga lamas ug utanon.

Ug sa ato nang gihisgutan dinhi, nga gumikan sa mga sugyot nga makadaginot kono kon sinako ang bugas nga paliton, kay sa kinilo, mao ni ang among gihimo. Pila ang sako sa bugas, Don Conchita, P2,700, nahu’g og tag-P54 ang kilo.

Sa inyo nang nasayran, ang Pulse Asia, sa uwahi nilang survey, sumala sa napatik sa The Freeman, miingon nga: “Rising prices still top concern among Filipinos.” Natural.

Inflation (by The Investopedia Team). Unsa man ni? Gikan sa internet: “Inflation is the rate of increase in prices over a given period of time. Inflation is typically a broad measure, such as the overall increase in prices or the increase in the cost of living in a country.

“Inflation is a measure of how fast prices of goods and services are rising. If inflation is occurring, leading to higher prices for basic necessities such as food, it can have a negative impact on the overall economy.” Sayon ra man ning sabton, basta kay pagsaka sa mga presyo.

“Controlling the rising prices of goods and services remained the top concern of most Filipinos,” pamahayag sa Pulse Asia, that “74% of Filipinos said that taming inflation was their ‘leading urgent national concern’ that the administration of President Ferdinand Marcos Jr. must address immediately.”

Sa mga regions, mao usab ang kahimtang, managing inflation maoy top concern. Sa Visayas, 80%, sa Mindanao, 79%, sa Balance Luzon, 72%, ug Metro Manila, 66%. Sa ato pa, naigo sa inflation ang tibuok nasud. Dihay solusyon ang atong gobiyerno, ang ilang gitawag nga ‘rice price cap,’ ug pagbutang og ceiling sa prisyo niini.

Apan, temporaryo lamang kadto, diin dul-an sa usa ka bulan nga pag-implementar sa price caps,  ang agriculture department nagpahibawo nga mahimo nang ilibkas ang price caps, gumikan sa pag-us-os sa mga prisyo sa bugas, both sa international ug domestic market.

Gipaabot usab ang pag-usbaw supply sa bugas gumikan sa karon nga tuig nga ting-ani, diin mga 1.9 million tons of rice ang maani karong buwana nga molungtad 74 ka adlaw. So, makaginhawa na tag gamay niining maong kaugmaran.  

Ang ubang mga top concerns sa mga Pinoy nga migawas sa survey naglangkob ning mosunod: Increasing the pay of workers (49%); creating more jobs (27%), reducing poverty (25%), fighting graft and corruption in the government (22%), fighting criminality (18%), addressing involuntary hunger (14%), providing assistance to farmers (13), ug enforcing the law (11%).