Walay birth certificate sa PSA

Dear Atty. Divine,

Ang akong papa bag-o lang nga nag 60 anyos ug usa na siya ka senior citizen.

Amo siyang gi-aplayan og senior citizen ID card sa munisipyo apan gipangayoan mi og Birth Certificate nga gikan sa Philippine Statistics Office or PSA.

Nagkuha mi sa iyang birth certificate sa PSA apan wa man siyay record ngadto.

Naay kopya si papa sa iyang local birth certificate apan nganong wa man siyay records sa PSA? Unsay angayan namong buhaton?

Norma

* * *

Dear Norma,

Posible nga wa ma-endorse sa PSA ang birth certificate sa imong papa gikan sa Local Civil Registrar hinungdan nga wa siyay record ngadto. Ang inyong buhaton mao ang paghangyo sa Civil Registrar nga ipa endorse ang birth certificate sa imong papa ngadto sa PSA.

Duna man na silay paagi nga mapadali ang proseso niini ug inyo lang siya pangutan -on kun unsay angayan nga buhaton aron mapadali ang proseso. Thank you and God bless.

Atty. Divine

* * *

Alang sa inyong pangutana, palihug lang sap ag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.