Ang nahitabo sa Jaclupan

Dili pa lang dugay dunay kagahob kalabot sa mga estudyante sa Jaclupan nga kuno nasudlan og mga dautang mga Espiritu. Ang preceeding event niini mao nga human sa practice nila didto sa kampo 4 ang nagporma og circle kay lagi mag rosaryo sa may alas dose ang takna sa tungang gabii hangtud na sa ala una sa kaadlawon.

Gipawong ang suga, bugtong mga kandila lamang ang gidagkotan aron magsilbing banwag sa ilang pag-ampo. Pipila ka adlaw ang nilabay nahitabo ang hysteria mismo sa tugkaran sa naasoy nga tunghaan. Daghan ang mga pangutana si Atty Ruphil kalabot niini. Ug mao kini ang akong pagpasabot.

1. Gikan sa Practice sa Sayaw- Wala matino kun unsang orasa nagsugod ang ilang practice niadtong tungora. Kapoy, kutas ang mga bata o batan-on. mahimong ang maong kakapoy napun-an nga diha sa dis-oras nga gabii angayan na unta silang papahuwayon ang gigugol diha sa pag-ampo sa rosary. Pun-an pa nga ang choreographer nipugos sa mananabtan sa pagpangadye. Anaa nang daan ang personal nga pagsupak bisan kun wala kini gipadayag ngadto sa mga organizers.

2. Ang Time Element. Ang oras alas dose sa gabii hangtud sa ala una s kaadlawon. Matud pa nga kining mga orasa sama alas dose ngadto na sa alas tres sa kaadlawon ang gitawag man nga mga “hilan” nga oras. Mao kining mga orasa nga kusog ang mga paranormal ingon man ang mga criminal nga mga binuhatan.

3. Ang rosaryohan wala pud nato matino kun unsay rosaryohan ang ilang gigamit. Possible nga sa maong pag-ampo sa Rosaryo gigamit ang satanic rosary, usa kini ka occult rosary nga dunay bitin nga nibaliktos sa krus ug nipaak sa liog sa Ginoo nga gilansang. Dunay simbolo sa pentagram ug adlaw. ang si bisan kinsa nga mogamit niini mahimong masudlan tuod sa dautan.

4. Bisan pa man kun dunay time lapsed ang pag-epekto apan ang maong binuhatan sa Kampo 4 maoy ganghaan kun nganong nahitabo ang maong pag-atake. Kini tungod sa mga possible nga rason:

a. Ang preconditioning sa usa ka creepy environment sama sa kandila lamang ang nagsiga inubanan ang lingin nga porma ang nigama og usa ka scenario gyud sa ritwal.

b. Dunay mga bata nga dili at ease sa  maong gibuhat og padayong nitipig niini sa ilang galamhan ug salabutan nga niresulta sa tumang kahadlok ug kalisang. Ang uban ini damgohon matag karon ug unya.

c. Tingali ang pagpunay og hisgot hisgot niini nakatukbil sa samarang balatian labina kadtong mga biktima sa ritwal abuse.

d. Ang nasinating kapildihan nakapa kwestiyon sa mga kabataan sa effectivity sa ilang gihimong pagtukaw.

e. Mahimong ang nahitabo sa kabataan usa man ka siyagit sa pakitabang labina kun ang mga giisip nilang mga demonyo nga naghasi kanila mao kadtong mga significant others nila nga padayong niabuso sa ilang kahuyang.