Dugay na process ang pagtransfer sa yuta nga napalit

Dear Atty. Divine,

Duna koy napalit nga yuta niadto pang 2005 apan wa dayon nako ma-process ang pag-transfer niini. Karong bag-o, miadto ko sa BIR kay ako nang gipa-compute ang akong Capital Gains Tax ug Documentary Stamp Tax alang sa pag-process na sa transfer. Apan gipangayu-an ko sa BIR og certified true copy sa Deed of Absolute Sale. Miadto ko sa lawyer nga nagnotaryo niini apan sirado na ang iyang opisina kay patay na ang maong abogado. Miadto sab ako sa Office of the Clerk of Court aron pagkuha og certified true copy sa Deed of Absolute Sale apan wa daw maka-submit ang maong abogado sa iyang report og sa kopya sa iyang mga dokumento nga ginotaryuhan. Unsa may angayan nako karon nga buhaton? Daghang salamat.

Nora

* * *

Dear Nora,

Kon aduna kay original copy sa notarized Deed of Absolute Sale mao kini imong gamiton sa pagprocess sa BIR. Kon pangayu-an gihapon ka og certified true copy, imong sulti-an nga di naka makakuha niini kay sirado na ang opisina sa lawyer nga nagnotaryo og wa sab kini makasubmit sa iyang mga notarized documents sa Office of the Clerk of Court. Kon di gyud modawat ang BIR sa imong dokumento then magpahimo ka og usab og bag-ong Deed of Absolute Sale nga imong papirmahan pag-usab sa seller. Kon patay na ang seller then adto kini nimo papirmahan sa mga heirs apan kinahanglan na  nga bayaran sab ang  estate tax niini og ang dokumento nga imong papirmahan sa mga heirs mao na ang Extrajudicial Partition with Sale nga pirmahan sa tanang mga heirs. Thank you and God bless. Atty. Divine

Alang sa inyong pangutana, palihug lang sa pag-email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.