Ube Diplomacy

Mipadayag og kasibot ang Department of Agricullture nga i-promote ang produkto ng  ube  (purple yam) ngadto sa Europa nga maoy potensiyal nga merkado alang niini.  Gitawag kini sa Consulate General sa Frankfurt nga  ube diplomacy.   Bag-o nga linya sa panghunahuna ang ube diplomacy nga angay hangpon ug suportahan.  Busa inay magsige g lantugi ug mag-usik sa laway sa ngalan sa diplomasya, ato na lang baligyaan og  ube  ang atong silingan nga nasud.  Mora'g gamit na ni ng higayona ang tambag sa among maestro sa high school ngadto sa mga estudyante nga nahagbong sa examination:  Go home and plant kamote or  ube.    Pwertee!

Tuohan o isalikway?

Nasuta sa survey nga gipahigayon sa Publishers Association of the Philippines nga si kanhi Presidente Duterte maoy nag-una nga kandidato sa 2025 Senate race tungod sa pagpili kaniya sa mga nagkadaiyang nga mga grupo sa mga mag-uuma.  Mora g sayo pa mohukom kon kinsa ang mahimong paborito ng kandidato sa katawhan.  Ang survey mahimong tuohan ug mahimo usab nga isalikway.  Apan dili ikalimod nga dako gihapon nga factor ang kwarta kon magpapili.  Kay matud pa sa panultihon,  Sa panahon sa eleksyon, ang hanggaw ug ang iyang kwarta paga-botohan gayud.   Fezteleern!

Ambulance for hire!

Mopasiugda og kampanya ang Department of Transportation (DOTr) batok sa mga ambulansiya nga magpasakay ug maghatud og mga bakasyonista, inay mga pasyente, sa tumong nga mahunong na ang dili makatarunganon nga pag-gamit sa maong mga emergency vehicles.    Dili tinuod maayo kini ng maong practice sa pag-gamit sa ambulansiya sa laing katuyoan.  Apan kinahanglan tin-awon una ang lagda sa pagpatuman niini.  Basin baya ang alaut nga driver lang ang masilotan kinsa sagad mituman lang sa sugo sa mayor o ba kaha sa hepe sa hospital.  Mao na y giingon,  Sala ni Juan, si Pedro ang madakdakan.   Madahaan!

Naglisod pag-move on

Pipila lang ka oras human gilagdaan sa Pilipinas ug Australia ang kasabotan nga magpalambo sa maritime cooperation tali sa duha ka nasud, miluwat gilayon ang China og pasidaan batok sa mga lihok nga kuno mahimo ng makaguba sa kalinaw sa Indo-Pacific region.  Mora g lahap ra ang pasidaan nga giluwatan sa China.  Daw nahisama ang China sa lalaki nga nakakita sa iyang kanhi uyab nga gisurikbot na og lain g nilalang.  Mao kana y giingon nga,  Gisakitan pa sa panagbuwag mao nga naglisod pag-move on.   Baa dhaaa!

Mo-gwapa ini'g ka-hubog

Gi-aresto ang usa ka lalaki sa mga barangay tanod sa Barangay Suba, Cebu City, tungod sa pagpanghinol niini sa dughan sa usa ka 17-anyos nga babaye.  Miangkon pa gayod ang lalaki nga ma-gwapa ang babaye sa iyang panan-aw kon maka-inom na siya g tuba. Makapahinumdum sa magtiayon nga naglalis tungod kay nasuko ang bana nga gasto kaayo ang asawa sa pagpunay niini g palit og make-up.  Tubag sa asawa nga mas maayo na lang ang make-up kon itandi sa gipalit sa bana nga ilimnon g makahubog.  Labot pa, tuyo sa asawa nga mo-gwapa siya sa panan-aw sa iyang bana.  Niini mitubag ang bana nga,  Mao bitaw mag-inom ko aron inig kahubog nako, gwapa na ka sa akong panan-aw.   Pagkatoytoy!