Hinundan sa "kabuhi"

Miangkon si Presidente Marcos nga ang padayon nga presensiya sa Chinese navy  diha sa South China Sea makapa- balaka  na apan dili kini igo makapakgang sa  nasud pagpanalipod sa atong maritime territory ingon man sa atong mga  mananagat. Karon nga gi- kabuhi  na ang presidente ni ng gibuhat sa China, unsa  kahay buhaton sa atong Philippine Navy? Baniog ang Intsik nga adunay daghang  herbal nga tambal ug haplas alang sa sakit sa kuto-kuto. Dili kaha maayo nga  mangayo kita kanila sa maong mga tambal o haplas kay sila man ang  hinungdan sa  kabuhi  sa presidente? Madahaan!

Sinakong bibliya

Gipanghimakak ni kanhi Presidente Duterte ang pasangil sa usa ka Rene  nga  kanhi trabahante ni Quiboloy, nga siya ug ang iyang anak nga si Bise Presidente  Sara Duterte nakadawat og mga pusil gikan sa founder sa Kingdom of Jesus Christ  (KOJC) nga si Apollo Quiboloy. Mora g lisod bitaw tuohan nga manghatag si  Quiboloy og armas kay matud pa ni Duterte, asa man kuno si Quiboloy manguha. Mas katuohan pa tingale kon ang testigo namasangil nga sinako ng bibliya  ang gihatag ni Quiboloy ngadto sa mga Duterte nga gisukipan og mga  armas. Saoonz!

Ampo pa y tigre

Sa laing bahin, giawhag ni Presidente Marcos ang leader sa Kingdom of Jesus Christ  (KOJC) sa pagtambong sa congressional hearings ug pag-gamit niini nga venue aron  matubag niya ang mga akusasyon batok kaniya ug sa iyang pundok. Makadaghan  na nga higayon nga gipatambong si Quiboloy sa mga gipahigayon nga hearing sa  kongreso ug sa senado. Nagmakuli si Quiboloy tungod ba kaha kay dili niya  kontrolado ang dagan sa hearing ug ang tema sa mga pangutana. Apan tingale  ang dakong rason mao nga dili mahimo ng moluhod si Quiboloy sa mando  sa tawo ngadto kaniya nga  Tinudlo nga Anak sa Diyos . Mao kana y  giingon,  Ampo pa y Tigre .  Pagkatoytoy!

Limod nga pinaligas

Human manghagit ni Presidente Marcos nga mokuha kini og drug test,  gipanghimakak na karon ni kanhi Presidente Dutete nga gialkusahan niya ang  presidente nga tig-gamitan og illegal nga druga ug nga kini usa ka adik.  Mahinumduman nga atol sa prayer rally niadtong Enero didto sa Davao, gi-anunsyo  ni Duterte nga si Presidente Marcos anaa sa PDEA watchlist. Makapahinumdum kini  sa politiko nga masuk-anon g misukmat sa iyang kaatbang tungod kay gihinganlan  siya g  pisot  atol sa rally. Daling gisalindot sa kaatbang ang pagpanukmat  sa pag-ingon nga,  Wala man ko moingon nga  pisot  ka; ang ako giingon  Hapit na ka magpatuli .'  Paleho la!

Mataktak ang bulakbol

Segun kang Cebu City Administrator Collin Rosell, nahuman ang evaluation sa mga  empleyado sa Cebu City hall alang sa pag-implementar sa  rightsizing  nga  gimando sa mayor, ug nga pormalidad na lang ang kulang. Ang  rightsizing   gitumong nga makunhuran ang gidaghanon sa mga empleyado gikan sa 10,000  ngadto sa 3,000 na lang sa tuig 2025. Ubay-ubay gyud diay mawagtang ni ng  kalakiha. Alaut kadtong mga maayo manarbaho apan natiming-an. Apan kadtong mga wala gyuy gamit ug magsige lang og barug-barug sa koridor sa city  hall, aaw, inig ka taktak nila, taas na ang ilang oras nga magbarug-barug  sa bisan asa ng lugar. Muleeng!