Apelyido sa illegitimate child

Dear Atty. Divine,

Duna koy pangutana may labot sa apelyido sa akong pag-umangkon nga illegitimate. Sa dihang nanganak akong igsuon, ang amahan sa bata nagtrabaho sa abroad. Nagsuporta siya sa bata apan tungod kay di siya makapirma sa birth certificate ang apelyido sa inahan sa bata ang among gigamit sa Birth Certificate sa akong pag-umangkon. Ang akong pangutana kun lakip ba  ang middle name sa akong igsuon ang gamiton sab sa bata? Kun mouli na ang amahan mahimo ba nga mausab ang apelyido sa bata og isunod sa apelyido sa amahan? Daghang salamat. -- Gwen

* * *

Dear Gwen,

Samtang wa pa ma-recognized sa amahan ang bata hayan ang apelyido sa iyang inahan gyud una ang gamiton  sa   birth certificate sa bata apan  dapat wa siyay middle name. Kini basi sa mga nangaging desisyon sa Korte Suprema nga  nagkanayon nga ang illegitimate nga bata nga mogamit sa apelyido sa iyang inahan dapat walay middle name. Apan kun siya i-recognized na sa amahan then mamahimo siyang mogamit sa apelyido sa amahan ug ang apelyido sa iyang inahan maoy iyang middle name. Busa kun mouli na ang amahan sa bata mamahimo siyang mo execute og Affidavit of Acknowledgment with Consent to Use His Surname ug iyang i-submit ngadto sa Local Civil Registrar diin marehistro ang  bata  aron ma annotate kini sa  iyang birth certificate ug mamahimo na siyang mogamit sa apelyido sa amahan. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected]  ug akong  tubagon ang inyong pangutana pinaagi sa akong column matag Miyerkules, Sabado ug Domingo.