Marriage license

Dear Atty. Divine,

Nagplano mi sa akong kapuyo nga magpakasal karong tuiga.

Hapit na moduha among anak kay gikatakda ko nga manganak karong Mayo. Pito ka tuig na mi nga nag-live in.

Ang akong pangutana kun tinuod ba nga di na mi magkinahanglan og marriage license kun kami magpakasal gumikan kay aduna na kami mga anak? Daghang salamat.

Tina

* * *

Dear Tina,

Ang marriage license gikan sa Local Civil Registrar usa sa mga formal requirements basi sa atong Family Code alang niadtong gustong magpakasal.

Kini aron mamahimong valid ang kaminyuon. Apan kining maong requirement adunay exemption ug kini naglakip niadtong magpakasal nga na naglive-in na sud sa lima ka tuig.

Busa sa imong nga kaso kun pito ka tuig na kamo nga nag live-in then dili na kinahanglan nga mokuha pa kamo og marriage license.

Ang inyong buhaton mao ang pag-execute og Affidavit of Cohabitation ug mao kini ang inyong i-submit hulip sa marriage license. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.