Vacation leave with pay
Dear Atty. Divine,
Nagtrabaho ko sa usa ka kompaniya sud na sa upat ka tuig. Every year hatagan mi og lima lang ka adlaw nga vacation leave with pay.
Apan akong nahibaw-an nga ang ubang company mihatag man og 15 days nga vacation leave with pay.
Ang akong pangutana kun pwede ba mi maka-demand og additional 10 days nga vacation leave sa among company with pay instead of 5 days? Daghang salamat.
Nora
* * *
Dear Nora,
Ang atong balaod naghatag og Service Incentive Leave with pay apan lima lang ka adlaw.
Basi sa Article 95 sa atong Labor Code kini nagkanayon nga ang matag empliyado nga makaserbisyo og usa ka tuig sa iyang company entitled og lima ka adlaw nga Service Incentive Leave with pay.
Busa kun kamo nahatagan na og lima ka adlaw nga leave with pay dili mo kapugos sa imong employer paghatag kanimo og more than 5 days leave with pay.
Hinuon mamahimo gihapon mo nga mo-file og leave ilabi na panahon sa emergency basta aduna moy pagtugot sa employer apan without pay na kun nagamit na ninyo ang 5 days nga leave with pay nga maoy gihatag sa inyong company. Thank you and God bless.
Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
