Santos Inocentes

Niadtong Disyembre 28 atong gisaulog ang piyesta sa mga Santos Inocentes. Ang mga bata nga nahimong biktima ni Herod the Great.

Kining maong mga bata gipamatay gumikan sa paranoia nga nahiagoman sa maong hari gumikan sa iyang kahakog sa gahom ug gani matud pa sa mga scholars si Herod the Great nga amahan nilang Herod Philip, Herod Antipas, ug Arkelao mao man ang responsible sa pagpatay bisan gani sa ilang mga igsuon ug sa ilang inahan ug kapid-an sa iyang mga asawa.

Mao nga sa dihang iyang hisayran nga gilansisan siya sa mga dumuduong mao ng animando siya nga pamatyon ang tanang mga kabataan nga nagpangidaron ug dos-anyos paubos.

Kining maong masaker usa man ka dakong krimen diha sa kasaysayan.

Apan kun buot hunahunaon daghang mga sama ni Herodes nga nagpabiling buhi karon.

Mga inahan nga niunay og patay sa ilang mga anak pinaagi sa aborsiyon. Niunay og molestiya sa mga kabataan nga menor de edad.

Mga ginikanan nga mapasagaron kaayo sa ilang mga anak. Mga tawo nga ni corrupt sa pagka inosente sa mga bata.

Ning panahon sa pasko sa pagkatawo sa atong Ginoo gipahimangnoan kita sa kaanindot sa kinabuhing inosente. Hinumdomi ang Disyembre 28 dili panahon sa pagpangilad.

Ang Disyembre 28 mao ang pagbalik lantaw sa sinugdanan sa kalibutan ug sa tanan nga naglukop niini. Ang kinabuhi sa pagka inosente usa diay ka kinabuhi sa pagka hamili.