Pagkamasinugtanon

Maayong Balita

Si Maria nga sinayoran niadtong tungora ngadto sa kaliwat ni Hari David ang gisibyaan sa Maayong Balita ni Arkanghel Gabriel nga mamahimo siyang Inahan sa Mesiyas.

Sa unang bahin niabot siya og katingala ug kalibog. “Unsaon man pagkahitabo niini nga ulay man ako?” Apan sa dihang gihimo ang pagpasabot ngadto kaniya nahimong tataw alang kang Maria nga kining maong hagit dili angayang balibaran.

Nga tungod niini siya nagkanayon: “Sulugoon ako sa Dios matuman unta dinhi Kanako sumala sa imong gisulti.”

Kasinatian

Sa atong kapanahonan karon, dunay mga higayon nga nabutang kita sa alanganin kun kinsa ang atong sundon.

Ang kabubut-on ba sa Dios? Ang kabubut-on ba natong mga tawo? Kini tungod kay sa pagligid sa mga panahon, nahimo kitang nahilansang sa atong kaugalingong kabubut-on.

Buot kita nga matuman sa kanunay. Buot kita nga ang Dios maoy mag-agad kanato ug dili kita ang mag-agad kaniya. Subo palandungon kay kining maong sanglitanan nahitabo naman karon. Ang tawo naningkamot nga ang Dios mohaom sa iyang kapritso ug dili ang tawo mamahimong mohaom sa kasingkasing Diosnon.

Lihok/Pangamuyo

Ning mga Adlaw sa Pasko atong sundon si Maria nga nahimong nagmasinugtanon sa kabubut-ong Diosnon. God’s Will is the Best because He is our Father! Sulugoon ako sa Ginoo matuman unta dinhi Kanako sumala sa imong Pulong!