Anting-anting

Filipino version kini sa amulet.  Kwentas, ug habak nga matud pa makapanalipod sa nagsul-ob gikan sa mga dautan, sakit, ug demonyo ug bisan unsan demalas nga moabot. Dunay nabantog nga mga tawo nga dunay mga anting anting sama pananglit nilang Nadong Putik, Elias Paniki ug uban pa.

Mao baya kini ang akong tan-awon kaniadto sa Sine sa Dos kay naa tong akong giidolo nga si Ramon Revilla Sr. (RIP). Butang nga hangtud karon, dunay mga tawo nga nangindahay nga makabaton og mga anting anting.

Apan ang Balaang kasulatan nagkanayon:

“O Dios gisalikway mo ang imong imong katawhan, ang mga kaliwat ni Jacob, kay daghan ang naghimog mga salamangka gikan sa sidlakan ug sa Filistia ug gisunod nila ang mga buhat sa mga langyaw.” (Is. 2;6)

Dugang pa si Isaias nipadayon

Niadto unyang adlawa kuhaon sa Ginoo ang mga matahum nga adorno sa ilang mga tiil, ang mga pugong sa ilang mga buhok, mga sudlay, mga ariyos, mga polseras ug mga pandong….mga anting anting. (Is. 3;18-20)

Ang pagbaton og anting anting nagpadayag lamang sa atong kakulang og pagsalig sa Ginoo nga maoy tinuod nga makapanalipod kanato gikan sa tanang mga dautan.

Ang nahitabo niini mao nga ang anting anting maoy saligan ug dili na ang Dios. Mahimong hanap ang imong pagtuo sa Dios kay lagi ang anting anting mao ang manalipod nimo gikan sa tanang kadautan.

Dugng pa, ang anting anting dunay gipataban nga attached spirit nga mahimong moangkon kun mo possessed sa nagsul-ob. Labina na kun kining maong habak may mga latin inscriptions nga wa hisabti.

Dunay nakuha nako nga habak nga dunay nasulat: Gloria Tibi Satana! Nga kun hubaron sa atong Pinulongan: “Himaya kanimo Satanas!”

Unsay angayang buhaton?

1.  Mokumpisal

2.  Himoon ang renouncement

3. I exorcised ang mga anting anting ug I dispose properly.

4.  Paghulip niini og mga sacramentals

5.  Pagduol sa mga sakramento ug pagbag-o sa kinabuhi.

6.  Pagbag-o kanunay sa mga saad bunyag.

7.  Pagpuyo sa matarong nga kinabuhi.

Paigo na ang Dios! Siya lamang ang angayan natong saligan. Halayo kaniya wala kitay mahimo! (Jn. 15;5)