Ang pagpandong sa mga kamot

Pagpamalandong sa Malangkubong kaayohan

Ang Imposition of the Hands kun ang pagpandong sa kamot ngadto sa ulo ni bisan kinsa maoy usa sa mga symbolic nga akto paghatag og panalangin o pag-ampo ngadto ni bisan kinsa.

Apan wala kini magpasabot nga bisan kinsa na lang ang makahimo sa pagpandong sa kamot sa ulo ni bisan kinsa.

Daghan ang nagbansay niini. Dunay mga charismatic ug self-styled healers nga mohimo sa ingon. Apan mao kini ang atong matngonan:

1. Ang pagpandong sa mga kamot usa man ka ministerial act nga himoon sa mga tawong naordinahan ngadto sa mga layko.

Sama pananglit sa ritwal sa bunyag, o hilog diin anaa ang akto sa pagpandong sa kamot ngadto sa gibunyagan.

2. Kinahanglan dunay spiritual authority ang mo-impose sa iyang kamot ngadto sa giampoan.

Sama pananglit sa Ginikanan ngadto sa iyang anak o Ninong o ninang ngadto sa iyang kinugos.

Atong hinumdoman nga kining maong akto dunay dakong kalambigitan sa gahum nga gisangon. Nga sa ato pa kinahanglan ang proper delegation gikan sa labaw sama sa pari nga gawas sa sacred powers diha sa ordinasyon anaa pud siyay mandato gikan sa obispo.

Sa ato pa dunay ni appoint niya. Mao nga ayaw mo og duol kanila nga walay igong papel sa pagmatuod sa maong ministeryo.

Sa laktod ayaw mo pailad kay bisan unsaon pa og piyong piyong sa mata apan wala ang sacras potestas wala gihapoy pulos ang tanan.