Nawala ang original nga titulo sa yuta

Dear Atty. Divine,

Adunay na mi na inherit nga yuta gikan sa  among mga ginikanan. Titulado ang maong property apan wa na mi masayud kun asa na ang title niini.

Gusto unta namong i-transfer ang  titulo niini gikan sa among mga ginikanan ngadto na kanamo. Tinuod ba nga dili namo ma-process ang transfer kun di namo mapresentar ang original title?

Unsaon man namo pagkuha og laing copy sa title? Daghang salamat. -- Peter

* * *

Dear Peter,

Kinahanglan gyud ang original copy sa title kun inyo nang i-process ang pag-transfer sa maong property.

Kun di na gyud ninyo makit-an ang original title, mo execute ang usa kaninyo og   Affidavit of Loss ug inyong ipa annotate sa Register of Deeds ang maong affidavit. Human niini mangayo mo og  Certified True Copy sa Title nga aduna nay annotation sa Affidavit of Loss ug dayon mokuha mo og abogado alang sa pag-file og petition sa korte alang sa issuance  sa new title hulip sa nawala nga titulo.

Aduna ni hearing ug kun ma-grant sa korte ang inyong Petition momando kini sa Register of Deeds pag-issue og laing title hulip sa nawala nga original title. Thank you and God bless! -- Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules,Sabado ug Domingo.