Unsaon pagtangtang sa annotation sa titulo

Dear Atty. Divine,

Duna koy napalit nga yuta og ako na kining natransfer sa akong pangan lakip na ang title. Apan karong bag-o dunay laing mi claim sa property og iyang napa annotate sa title ang iyang Adverse Claim. Unsay akong buhaton aron matangtang kining iyang annotation sa Adverse Claim sa akong title? Daghang salamat. -- Wendy

Dear Wendy,

Ang Adverse Claim, notice kana sa third person nga dunay laing claimant ang maong property og kon aduna may transaction nga maglambigit sa maong property hayan mamahimong subject kini sa unsay mamahimong resulta sa maong claim .  Ang maayo nimong buhaton imong estoryahon ang claimant sa imong property og imong sutaon kon  unsay iyang gibasihan sa iyang claim. Kon ma-areglo ra mo then mamahimong mo file og verified petition ang claimant ngadto sa Register of Deeds aron ipa cancel ang iyang gipa annotate nga adverse claim sa title. Apan kon di gyud mo masettle, imong ipacancel ang iyang annotation  sa imong title pinaagi sa pagfile og Petition ngadto sa korte. Motakda og hearing ang korte aron pagsuta kon aduna bay basihan ang Adverse Claim. Human sa hearing kon basi sa ebedensya wa gyuy basis ang Adverse Claim then mo Order ang Court pagpacancel niini. Apan kon dunay basis hayan magpabilin ang annotation sa title hangtud nga maresolve ang maong issue. Thank you and God bless.

Alang sa inyong pangutana, palihug lang sa pag email sa [email protected]  og akong tubagon ang inyong pangutana pinaagi sa akong column matag Miyerkules, Sabado og Domingo.