Sanglitanan

Maayong Balita

Ang atong Ginoong Jesu Kristo nagpahinumdom sa iyang mga tinonto nga kinahanglan sundon ang gimando sa mga magtutudlo sa balaod kalabot sa mga mando niini apan dili maayo nga sundon ang binuhatan niini.

Kini tungod kay ang maong mga tawo maayo lang sa sulti apan wala diha diha sa buhat. Ang maong pagpapaaron-ingnon kinahanglang dili sundon sanglit nahimong halayo ang mga gipamulong kaysa mga binuhatan.

Kasinatian

Buot nato nga dunay ngipon kun dunay gahom ang mga pulong nga atong gipanglitok adlaw adlaw. Buot nato nga mamahimong balaod ang atong mga gipamulong.

Apan sukwahi sa atong pagtuo, nahimong haguka ang atong mga kamandoan. Kini tungod kay ang atong binuhatan wala  man motukma sa atong gipamulong. Kinahanglang mosulti kita ug sa laing bahin ang atong gipanulti atong gipakita sa buhat.

Kini ang matang sa pagtudlo ginamit ang sanglitanan.

Lihok

Karong semahana paningkamoti nga ang matag unod sa imong gipamulong imong mapakita mismo sa imong binuhatan.

Pangamuyo

Ginoo dunay mga higayon nga buot nakong pailhon ang uban nga ako gamhanan.

Apan ang wala nako hisayri nga huyang diay ako ug walay igong umoy nga pamatud-an ang maong pagpangangkon.

Kini tungod kay ang akong binuhatan nahimo man ganing dakong sukwahi sa akong gipamulong.

Ikaw among magtutudlo ug himoa nga mamahimong ang mga pagtulon-an mo among pagsundon sa kanunay. Amen.