Vacation leave

Dear Atty. Divine,

Nagtrabaho ko sa usa ka kompaniya sud na sa lima ka tuig. Matag tuig hatagan mi og lima lang ka adlaw nga vacation leave with pay.

Apan akong nahibaw an nga ang ubang   company mihatag man og ten days nga vacation leave with pay sa ilang mga empleyado.

Ang akong pangutana kun pwede ba mi maka-demand og 10 days nga vacation leave sa among company with pay instead of 5 days lang? Daghang salamat.

Nora

* * *

Dear Nora,

Ang atong balaod nagmando sa paghatag og  Service Incentive Leave with pay sa mga empleyado sa pribadong kompaniya apan lima lang ka adlaw.

Basi sa Article 95 sa atong Labor Code kini nagkanayon nga ang  matag empleyado nga nakaserbisyo og usa ka tuig sa iyang company entitled og lima ka adlaw nga Service Incentive Leave with pay.

Buot ipasabot nga dili ta makapugos sa mga kompaniya sa paghatag og vacation leave with pay nga sobra sa 5 days kay mao ra man kini ang gimando sa balaod.

Hinuon mamahimo ninyong suwayan og hangyo ang inyong company nga himoong 10 days ang inyong vacation leave apan kon di kini mosugot, wa sab moy mahimo.     Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.