Balaod sa gugma

Oktubre 29, 2023: ikakatloan nga Domingo Sulod sa Tuig

(Prison Awareness Sunday)

Mga Pagbasa: Ex. 22;20-26/Sal. 18/1 Tes. 1;5-10/Mt. 2

Maayong Balita

Ang Napulo ka mga Sugo kun Decalogue ang gibahin man sa mga magtutudlo sa Balaod ngadto sa laing 613 ka mga balaodnon.

Kasagaran nakasentro sa ritwal. Kun sumadahon ang napulo ka sugo mosumada lamang kini diha sa balaod sa paghigugma nga atong gipakita ug gisaulog diha sa paghigugma sa Dios labaw sa tanan ug sa paghigugma sa atong isigkaingon sama sa paghigugma nato sa atong kaugalingon.

Kasinatian

Ang unang tulo ka mga sugo diha sa decalogue nakasentro man sa atong gugma sa Dios. Ang mga mosunod nga bahin nakasentro man sa paagi gna atong higugmaon ang atong isigkaingon.

Kay lagi malisod man higugmaon ang Dios ang dili makita kun nahimong kitang pakyas sa paghigugma sa mga tawo nga atong makita, mahikap ug makakuyog adlaw- adlaw sa atong kinabuhi.

Lihok

1. Ang gugma usa ka pagpili busa pilia ang paghigugma karong semanaha.

2. Dili ka makahatag sa bisan unsa nga wala nimo mahupti busa higugmaa ang imong kaugalingon aron mas sayon alang nimo ang paghigugma sa uban.

Pangamuyo

Langitnong Amahan sa makadaghan kami nisukol kanimo ug nag-usik usik sa imong gugma ug kaluoy. Karon nga nahimo kaming nahigmata sa imong kaayo unta imo  kaming dasigon pa diha sa imong grasya aron sa ingon mamahimo kaming mas mahigugmaon kanimo pinaagi sa pagpakita sa among dakong gugma ngadto sa among isigkaingon.

Kini among gipangayo pinaagi ni Kristo among Ginoo. Amen.