Inagulo sa mga retiradong MU

Sa miaging Septiyemnbre 26, 2023 sa ikatulong reading, naaprobahan sa Kongreso  ang House Bill (HB) 8969 bahin sa pagreporma sa pension system sa military and other uniformed personnel (MUP), diin si House Speaker Martin Romualdez maoy author.

Si Romualdez mipasabot nga kining HB 8969: Military and Uniformed Personnel Pension System Act patas kuno sa habig sa MUP ug sa gobiyerno diha sa paghatag kanilag binulang pension.

Apan kon patas pa, nganong may open letter man ang Police Retirees Association Inc. (PRAI), nga mipahungaw sa ilang inagulo pinaagi sa Facebook?

Taas man ang maong sulat, mopugnit lang kitag diyotay. Ania: ‘The members of the Police Retirees Association Inc. (PRAI) hereby answers the call of Mr. Benjamin Estoesta Diokno, Secretary of Finance in his call for Pensions Reforms for Military and Police uniformed personnel.

First of all, why are you so irritably mad about our meager monthly pension, Sir? Your cruel approach had not changed a bit towards us since the time of PNoy. It even gets worse now that you hold the finance portfolio.

Thru your persistent recommendation, the president will push for reforms on the pension’s scheme for MUPs to prevent with your so-called possible Fiscal Collapse.

Ayaw mo lang talaga na maisama kami sa indexation ng mga active personnel. Noon mo pa yan tinitigasan. Panahon pa ni PNoy. Hindi ka lang umubra kay Duterte kasi mas siga yon kesa iyo.”

Ug daghan pang sentimentong gipabuhagay ang PRAI. Ultimong katahom sa kabatan-on wala nila masinati kay maoy ilang gipalabi ang pagpanalipod sa katawhan ug atong nasud, diin sa ilang pakiggubat suwerte kon buhi ka pa anang adlawa.

Ug pait, kon sa unang destino, ibalik ka sa imong unit nga gisulod nag kahon. Unya ning ilang pagretiro, hasta pension nila i-reform? Inay dugangan, laslasan pa hinuon?

Busa, dili sila mabasol kon mahinumdom ni Duterte, kinsa mao ray nakahatag nilag tubig human sa taas hulaw nga ilang giantos sa mga nangaging admnistrasiyon.

Unta, sa dili pa pinaleng aprobahan ni PBBM kining MUP Pension System Act inig abot sa iyang lamesa, segurohon niya nga kini tubig gihapon nga makalipay sa mga retiradong kasundalohan ug kapolisan.