Unsay mahitabo sa kaso kun patay na ang akusado?

Dear Atty. Divine,

Ang akong igsuon mipasaka og kasong robbery sa tawo nga milungkab sa ilang balay ug nanulis. Sud- gawas na sa prisuhan ang maong suspect ug after kini napriso og pipila ka buwan nakagawas na usab sa bilangguan  human nakapiyansa sa kasong robbery nga gi file sa akong igsuon batok kaniya.

Samtang pending  ang kaso sa korte, nanulis na usab kini apan naapsan sa kapolisan ug napusilan kini og namatay human misukol sa mga otoridad.

Ang akong pangutana kon unsay mahitabo sa kasong robbery nga gipasaka sa akong igsuon batok kaniya? Daghang salamat. -- Ben

* * *

Dear Ben,

Basi sa  Art. 89 (1) sa atong Revised Penal Code kini nagkanayon  nga ang criminal liability  sa usa ka tawo mo-extinguish kon mamatay ang accused before sa final conviction.  Busa ang mahitabo sa kasong gipasaka sa imong igsuon  batok sa  akusado mao ang pagka dismiss niini kay patay na man ang accused hinungdan nga mo extinguished sab ang iyang criminal liability. It make sense, kay si kinsa man say bilangguon kon makombikto ang accused nga patay na man kini. Busa way laing mahimo ang korte kondili idismiss ang kaso nga gi file sa imong igsuon . Thank you and God bless.

Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.