Pilay rate sa empliyado nga patrabahuon og rest day?
Dear Atty. Divine,
Sugod sa miaging buwan, nahulog ko nga wala koy day-off kay tawgan man ko sa company ug hangyuon nga patrabahuon during sa akong rest day.
Misugot ko kay abi nako og mas dako og rate kun motrabaho ko atol sa rest day. Apan pagtan aw nako sa akong pay slip, the same ra man og rate.
Sakto ba ning gibuhat sa among company? Daghang salamat.
Lorna
* * *
Dear Lorna,
Basi sa atong Labor Code, kun ang empliyado pagpatrabahoon atol sa iyang rest day entitled siya sa iyang regular nga sweldo plus 30% nga additional pay isip premium basi sa Section 9 sa Omnibus Rules Implementing the Labor Code.
Sa ato pa, kun ikaw gipatrabaho atul sa imong day-off sud sa walo ka oras then you are entitled sa imong sweldo on that day plus 30% premium.
Busa kun wa kay additional 30% nga nadawat isip premium sa imong pagtrabaho during rest day then kalapasan kana sa balaod. Mas maayo nga imong sultian ang inyong opisina kalabot sa maong balaod. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa inyong column matag Miyerkules, Sabado ug Domingo.
- Latest
