Ikakawhaag-Usa nga Adlaw

Pito ka mga Ulohang Sala: Kaulag

Sukaranang Teksto

Basaha ang 1 Jn. 2;15-17

Pasiuna

1.   Nahimong pukan ang kinaiya sa tawo gumikan sa salang panulondon.

2.   Daghan ang napukan gumikan sa kaulag.

3.   Ang maligdong nga pagpugong sa kaugalingon inubanan sa grasya sa Dios dako man kaayo og kahimoan aron makalingkawas ka ning maong  kaulipnan.

Pagpalawom

1.   Ang sala maoy nakapahimo sa atong kinaiya nga huyang. Sa atong pagpangita sa tinud-anay nga kalipay dali kitang natintal sa hinanaling kalipay.

2.   Ang mga hari kaniadto bisan gani si Solomon, silang Samson ang nabiktima man sa babaye. Kini tungod kay ilang gitugotan ang ilang lawasnong kaibog nga maoy modumala kaysa ilang mga birtud.

3.   Ang pagpugong sa kaugalingon nagpasabot nga molikay sa kahigayonan aron mahitumpawak sa lit-ag sa kaulag. Kun dili ka magmatngon sinugdanan kini sa imong kalaglagan.

Pangamuyo

Ampoa ang pito ka Maghimaya ka Maria ug sangpita ang Mahal nga Inahan ang sanglitanan sa usa ka Putli nga kinabuhi. Ingon man sangpita si San Jose ang putli uyamot nga esposo sa Mahal nga  Birhen diha sa imong pag-ingon: “SAN JOSE IMO KAMING PANLABANAN, SA KINABUHI UG SA KAMATAYON.” Sa ngalan ni Kristo Jesus demonyo sa kaulag nga si Asmodeus Pahawa sa akong Kinabuhi! (Balikon makatulo)

Kalihokan karong Adlawa

Papasa o i-block sa imong cellphone ang mga agianan sama sa website ug uban pa nga nagpasundayag og mahilas nga mga talan-awon ug artikulo.