Gingharian ni Satanas: Lit-ag Ginamit Ang Garbo Sukaranang Teksto

IKASIYAM NGA ADLAW

Gingharian ni Satanas: Lit-ag Ginamit Ang Garbo

Sukaranang Teksto

“Sumala sa giingon sa kasulatan, kaaway sa Dios ang mapahitas-on, apan naghatag siya og grasya sa mga mapaubsanon.” (San. 4;6)

Pasiuna

1.  Ang garbo maoy nakapahimo sa mga anghel nga mga demonyo.

2.  Ang garbo mao man ang akto sa naghinobrang pagsalig sa kaugalingon kaysa sa Dios.

3.  Ang naghinobrang garbo sinugdanan sa atong kapildihan.

Pagpalawom

1.  Ang pagkamasupilon ni Lucifer sa kabubut-on sa Dios maoy nakapahimo niyang dautan. Linalang lamang siya apan buot siyang mohulip sa trono nga gilingkoran sa Labaw nga Gamhanan. Tungod niini gipapahawa siya gikan sa langit. Sa laing bahin, kitang mga tawo KABUS atubangan sa Dios sanglt wala man kitay nahuptan nga giisip nga atoa. Ug gani sa yuta kita pauli ug ang kamatayon maoy bugtong seguro ning atong inadlaw nga panaw sa kinabuhi.

2.  Halayo sa Dios wala kitay mahimo. (Juan 15;5). Ang pag-ampo makahatag kanato og grasya sanglit gipadayag man nato ang atong dakong panginahanglan sa Dios ang tuburan sa grasya. Halayo sa Dios wala gyud kitay mahimo.

3. Dunay kinutoban ang matag tawo busa mahinungdanon kaayo ang pagpaubos. Malipay ang Dios sa mga tawong mapaubsanon.

Pangamuyo

Basaha ug ampoa ang Salmo 11

Kalihukan karong adlawa

Pagbansay sa pagkamaubsanon diha sa imong hunahuna, pamulong ug pagbati.