Linatin

Padayon sa gihapon ang gipahigayon nga panagtabo sa tanang mga exorcists sa tibuok nasud. Usa sa mga guest speakers mao si Adam Blai usa sa mga eksperto sa Demonology Diocese of Pittsburg. Usa siya ka layko ug dili minyo kay matud niya dili maayong magminyo labina kay komplikado ug kuyaw ang iyang trabaho.

Nangangkon usab siya nga nakatambong na usab siya og liboan ka mga sessions sa eksorsismo kuyog sa mga eksorssta.

Apan sa iyang pagpanudlo daghan kaayo ako og nakat-onan dili lang sa theory kondili usab sa mga praktikal tips kalabot niini. Lakip na niini ang pulong latin.

Nganong latin man? Kini tungod kay ang latin mao man ang official language sa Simbahan. sa laing bahin dunay mga pulong masakit kun hubaron kini sa vernacular. Sa laing bahin, matud pa niya, ang yawa makasabot man sa latin.

Mao nga ginamit ang latin pangutan-on ang yawa kun kinsa ang iyang ngalan, kanus-a siya nakasulod, ug sa unsang paagi siya nakasulod. Mahimong iya kining tubagon.

Apan aron pagseguro nga nasudlan gyud ang biktima mahimong mogamit o mosulti og linatin ang eksorsista nga dili pag-ampo. Kun ugaling magtakuban ang biktima nga nayawaan pinaagi sa pagtubag kunohay gamit ang latin sa dili maong pangutana nan, atong makita nga nahimo siyang nagpaaron nga siya nayawaan gayud.

 Usa kini manipulative move sa biktima ngadto sa mga tawo nga nagpalibot niya ug sa eksorsista gyud mismo. Unsay buot ipasabot niini?

Mahimong duna siyay tinagoang salaod nga dili niya buot mautingkay mao nga magpaaron siya ginamit ang maong kahimtang.

Ang atensiyon nga iyang gikinahanglan nga wala mahatag kun normal ang kahimtang mao nga magpaaron aron makuha ang pagtagad nga gikinahanglan.

Dunay delusion ang pasyente. Hinuon mas makahuloganon kun mokunsolta lang gyud sa usa ka psychiatrist nga motabang pag assess sa sitwasyon.

Ang mga sacramental kun gamiton uban ang pagtuo mao man ang usa sa mga hinagiban aron matino nga usa gyud ka spiritual malady ang nasinati sa biktima. Sed Libera Nos A Malo! Amen!