Ang dugokan sa pagka-tinun-an Pinasikad sa: Mt. 16;24-28

Daghan nato ang  buot mosunod sa Ginoo isip mga tinun-an. Apan sa atong pagsunod kaniya dili ikalimod nga kitay magbuot sa paagi nga siya atong sundon, sa ato pa, mag-agad kini segun sa kun unsay mahiuyon sa atong pamaagi. Nahikalimot kita nga ang bugtong sukaranan sa pagkatinun-an sa atong Ginoong Jesus mao man ang presensiya sa Krus. Kun wala ang krus, walay Kaluwasan. Tinun-an ka sanglit nituo ka man sa Dios. Ug gani matud pang Santa Clara: “Love that does not of suffering is not worthy of the name. kay pinaagi lamang sa atong dakong gugma sa atong magtutudlo nga si Kristo Jesus mamahimo kitang andam ug tagana sa pag-antos nga moabot sa atong kinabuhi segun sa atong gipili. Dugang pa niya, we become what we love and who we love shapes what we become. Mamahimo kitang mahisama kang Kristo kun sa Krus dili kita mahadlok.

Apan lahi ang kalibutan karon. Daghan nato ang ganahan og sayon ug dali. Kining maong tinguha nikuyanap bisan gani sa mga linghod nga hunahuna ug pagbati sa atong mga kabatan-onan. Taas ang level of awareness apan less ang tolerance of pain, ang resulta maglisud og atubang og  mga pagsulay. Bisan gani ang panagtiayon nga kinabuhi lisud man sagubangon kun dili andam ug tagana ang matag usa sa sakripisyo. Hinumdomi ang dugokan sa pagkatinun-an: “Dili kita takus ingon nga tinun-an kun sa pagpas-an sa krus kita dili andam..” matud pa sa awit ni Narcisa Fernandez: Hagit sa Ebanghelyo:

Ang hagit sa ebanghelyo alang kanato,Higugmaon ta ang atong isigkatawo.Apan kon tinud-on ta ang pagserbisyo,

Mosubay ta'g kalbaryo, sama sa atong Ginoo.

Koro: Dili sayon ang pagsunod kang Kristo;Daghang tunok ang dalan nga agi-an mo.Bug-at ang krus nga pas-anon mo,Ug kamatayon naa naghulat kanimo.

Si Kristo mismo nag-ingon sa mga tinun-an;Pagbantay kay panakpon kamo'g biay-biayon.Prisohon kamo ug ilhong mga tamapalasan. Ug ang naa sa gahum, human kamo'g silotan. (koro)

Bulahan ang gilutos tungod sa ilang tinuohan,

Bulahan ang gidaug-daug ug gibugalbugalan.Bulahan ang mobarug alang sa katarungan,Magmalipayon sila, ila ang gingharian.