SOGIE Bill delikadog mahimong balaod

Dihang miumol ang Ginoo og tawo, lalaki ang Iyang giuna – si Adan. Unya, naluoy man Siya nga si Adan nag-inusara, naghimo usab og babaye gikan sa walang gusok sa lalaki. Ug ginganlag Eba. Unya dihang nakasala ang duha, Iya silang gipalayas sa paraiso ug giingnan: “Lakaw kamo sa kalibotan ug panaghan!”

Dihang gipugngan sa anghel si Abraham nga dili ihinayon ang pagpatay sa iyang anak nga si Isaac agi’g halad ngadto sa Ginoo, giingnan siya sa mitunghang anghel:

“Matud sa Ginoo, kay mibuhat ka man ini ug wala mo ihikaw ang bugtong mong anak, ‘palananginan tikaw. Padaghanon ko pag-ayo ang imong kaliwatan sama sa mga bituon sa langit ug sa mga balas sa kabaybayonan.’” (Genesis 22:16-17).

Dinhi klaro kaayo nga ang same-sex marriage nga hagbay rang gipraktis sa Amerika ug gustong sundon sa third sex community dinhi sa ato, nakasupak sa kabubut-on sa Diyos. Kay mag-unsa man pagsanay ang magkaparis nga adunay managsamang hinigiban ibabaw sa kama? 

Sa miaging Pebrero 2023, si chairperson sa House Committee on Women and Gender Equality, Bataan Representative Geraldine Roman didto sa Kongreso mipasiugdag tuki pagkonsiderar sa Sexual Orientation, Gender Identity or Expression (SOGIE) Equality Bill or Anti-Discrimanation Bill nga manalipod sa LGBTQIA+

Gikalipay kini sa taga LGBTQIA+. Pero naunsa ba nga usa kanila, si drag queen Pura Luka Vega grabe mang nakabugalbugal sa atong Ginoo pinaagi sa pagsul-ob og sapot ni Hesus Nazareno, pagkanta-sayaw og pina-disco sa ‘Ama Namin uban sa daghang nanambong, unya puwerting kaon sa ostiya nga pina-crispy ug gigradohan pa niyag 8/10 ang lami?

Pastilan, wala pa gani maaprobahi ang SOGIE Bill, nagpakita nag ingon niini kahawod ang usa sa LGBTQIA+? Samot, kon ma-balaod na kini?

Kon ang SOGIE Bill mahimo gyong balaod, sama rang nagtukod atong mga magbabalaod og simbahan sa mga demonyo. Duha ray gender ang giumol sa Ginoo: babaye ra’g lalaki. Unya nganong pun-an pa mag daghan?

Ang SOGIE Bill tinagik sa tawo nga gipaluyohan sa hari sa kangitngit. Dili kini Iyaha sa Ginoo. Ug nasayod na kitang delikado kaayo ang dapit nga padulngan niadtong nagmasinupakon Kaniya.

Busa, tinamod namong mga kongresista’g senadores, intawon hinuktoki kini pag-ayo una hukmi.