Asa kutob ang tolerance

Daghang ang niabusar ning pulong nga tolerance. Daghan ang buot magpa-tolerate sa ilang mga binuhatang hiwi ug sa mga dili makatarunganong binuhatan nga ipugos ning dominant minority nga dawaton nato bisan supak sa atong pagbati ug sa atong tinuhoan.

Subo palandungon nga ang kutob lamang sa sulat sa pagmaymay inay ang mas konkretong lakang aron pagpitol ning nilalang nga nagtuo nga siya mamugnaon ra kaayo nga tungod niini yanohon lang niya og yaga yaga ang giisip natong Sagrado.

Kining maong pagpakahilom mamahimong sukaranan aron padayong biaybiayon ang atong baruganan.

Tinuod nga dunay sayop ug makasasala ang simbahan gumikan kay mga tawo lamang ang nagdumala ug naglihok sa iyang mga hawanang Sagrado.

Apan wala kini magpasabot nga paundayonan lamang nato nga yatakan ang atong katungod. Deus Vult! Mao gyud unta ang angayang buhaton nato.

Dili tungod kay entitled kita niini kondili tungod kay ang Dios na mismo ang gihimong biktima ning maogn kayabag.

Mahimong tamayon ang atong pagkatawhanon apan wala kini magpasabot nga apilon ang Dios.

Ang drag party, ang ostiya review ug ang aroganteng pagpangankon nga dili na kinahanglang mangayo og pasaylo gumikan sa hanggaw nga buhat sa direkta menteng pangataki sa pagtuo.

Unta mamahimo kitang mas agresibo sa pagpanalipod niini. Tinuod bisan hilas nga  paminawon nga kita magpakalimpiyo apan hinumdomi nga kun ang Dios nag ani ang yaga yagaan kinahanglang magmaisogon kita kay kun ang Dios na ang masuko si kinsa man kaha ang manalipod kanato?