Saksak sinagol

Nahinumdom ko niadtong SPFY Seminarian pa ko, nadestino kaming taga Cebu sa usa sa bukirang barangay sa habagatang kasadpan. Mga usa gyud to ka buwan nga immersion. Sa maong immersion samtang didto namo nasinati ang pagkaon anang gitawag nilang tolatola.

Kining  maogn matang sa pagkaon, mga salin kining mga sud-an sa nilabay nga hikay nga ilang gisagol ug unya gitimplahan og balik. Lami man pud hinuon.  Paagi kini aron dili mamahimong usik ang mga pagkaon. Nagkadaiya apan sa lamian bisan pa man kun saksak sinagol.

Dunay pulong nga gitawag nilang heterodoxy. Nagpasabot kini nga mahimo diay nga sagolon ang nagkadaiyang pagtulon-an tungod ug alang sa kahiusahan.

Lahi kini sa orthodoxy. Ang Orthodoxy nagpasabot man og Right Teaching kun Hustong pagpanudlo. Apan daghan usab ang nihimo og komentaryo mag-unsa man ang hustong pagpanudlo ug pagtulon-an kun hawa kini sa kalooy alang sa kadaghanan llabina kanila nga anaa sa tumang kalisdanan dili lang sa panalapi kondili sa laing aspeto usab.

Ang gipasiugdahan nga sinodo ni Papa Francisco nakahaling og daghang mga pangutana ingon man kabalaka.

Dinhi nigawas ang pag-classify sa pundok sa mga Katoliko ingon nga liberals ug conservatives. Usa kaha ang padulngan ug kaugmaon sa simbahan? nagpasasbot ba kini ngamamahimong mausab ang pagtulon-an sa simbahan kalabot sa mga nagkadaiyang mga isyu sama sa same-sex union, clerical celibacy ug uban pa?

Pun-an pa nga dunay kabalaka ang ubang  mga obispo sa bag-ong pangulo sa DDF kun Dycastery of the Doctrine of the Faith nga si Mons. Victor Manuel Fernandez. Kay alang nila troubling kining maong choice. Bugtong ang kahitas-an lamang ang nasayud. Padayon kita sa pamalandong, kay karong panahona, panahon sa dakong pagpurga sa atong pagka simbahan.