Kun maluya na ang atong lawas

Nakadawat ko og chat gikan ni Ate Ellen usa sa mga anak ni Sir Quirico ug Mam Lerma. Tua sa tambalanan si Kuya Dodong iyang bana. Usa ni sila sa mga nitabang Kanako kaniadto sa dihang nagtungha pa ako sa seminaryo.Gisugat kong Marian ilang anak. Nakaamgo ko nga tiguwang na gyud diay ko kay si Marian bag-ohay lang nigradwar sa kolehiyo. Kapaspas ra gyud sa panahon. sa pag-abot nako sa sulod akong nakita si kuya Dodong nga luya na gyud kaayo. Dinhi nakaamgo ako nga kinahanglang magmatngon, wala ko masayud basin ako mismo masakiton na pud. Ako siyang gihilogan, ug human sa hamubo nga kukabildo niadto ko sa Room 565 kay dunay kaila sa higala nga akong gihilogan usab.

Nipauli ko uban ang pagpamalandong nga limitado ra gyud ang kahimsog sanglit moabot man ang panahon nga ang lawas maluya ug masakit.

Dinhi ko nakaamgo nga diha sa atong kaluya the more nga magkinahanglan kita og grasya. Ang lawas nato murag bangko.

Kun unsay atong gideposit mao man ang atong ma withdraw. Diha pa ko nakaamgo sa giingon kaniadto ni Cardinal Vidal. Mokaon apan dili magbusog. Kay ang naghinobrng kabusog usahay maoy magdala og sakit sa atong lawas.

Dili maayo ang mag stress pag-ayo kay kun kanunay kitang mag-apas nan. Mamahimo kitang mapandol. Tinuod I enjoy nato ang kinabuhi apan wala kini magpasabot og pagpatuyang. Akong mga pag-ampo alang kanila nga unta mamahimong mahibalik kanila ang maayong panlawas.