Bawion sa tag-iya ang luna nga gihatag

Dear Maam,

Naa koy ipangutana Ma’am mahitungod kini sa yuta nga among gibantayan, Gibaligya na kini sa tagiya ug gihatagan kami og bahin isip bayad sa among pagbantay. Pero bawion sa naghatag kay walay insaktong papeles nga nagpamatood nga kini ilang gihatag kanamo. Kami ang nagbayad sa buwis sugod adtong 1992 hangtod karon. Ang gihatag ra sa tagiya nga papel kanamo mao ra ang sukod sa yuta. Unsa may angayan namong buhaton ani Atty.? Daghan kaayong salamat hinaot nga imo kining matubag ang akong pangutana aron malinawan kami. — Cristina

* * *

Dear Cristina,

Inyong hangyuon ang tag-iya sa pagpirma og Deed of Donation aron naa moy kuptan nga papeles pagpamatuod nga ila nang gihatag ninyo ang maong portion isip bugti sa inyong pagkasaup nga nahunong human nila gibaligya ang property. Kun di mopirma ang tag-iya og Deed of Donation or any document nga mopamatuod nga gihatag na ninyo ang maong portion sa yuta then mamahimo kamo nga modangop sa Department of Agrarian Reform or DAR aron mangayo kanila og assistance. Ang DAR mao nay motabang sa mga saup nga adunay problema sa ilang yuta nga gitikad. Thank you and God bless.

Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.