Instrumentum Laboris

Kini ang working document nga gamiton karong umaabot nga consultation sa sinodo karong umaabot nga bulan sa Oktubre karong tuiga. Ning maong panagtigom daghang mga hilisgotan ang pagatukion. Lakip na niini kining mosunod:

a. Priestly Celibacy

b. Women Priests

c. LGBTQ ug uban pa.

Ang priestly celibacy nga nahimong mandato niadtong sa kapanohan sa Konsilyo sa Elvira. Ang praktikal nga rason niadtong maong balaod mao man nga dili makatag ang katigayonan sa simbahan. Nahatagan kini og teolohikanhong pagpasabot ngadto ngadto.

Giisip ang celibacy ingon nga halad sa usa ka pari ngadto sa Dios. Nga sa ato pa, ang pag abli ning hilisgutan alang sa usa ka debate sinugdanan pa lang aron usbon na ang karaang tradisyon sa usa ka selebadong kinabuhi.

Sa ngalan sa equality dunay mga dapit ug nasud sa kalibutan nga nisugyotnga hatagan ang kabayen-an og susamang kahigayonan nga mahimong pari sama sa mga kalalakin-an. Daw sama sa mga Anglicano nga nitugot og ordina sa mga babaye aron mamahimong mga pari ug gani duna naman silay obispo nga babaye.

Bisan pa man kun ang tradisyon ingon man ang Catechism of the Catholic Church nagkanayon nga kinahanglang Vir o lalaki ang angayan nga ordinahan. Ang kababayen-an dunay ilang kaugalingong papel diha sa atong simbahan. Unsaon kaha sila sa pagtawag sa? Reverend Mother?

Duna kitay pagtahud sa mga sakop sa LGBTQ apan nagpasabot ba kini nga kinahanglang balaanon ang ilang panagpuyo ingon nga kaminyoon? Nakighinabi ko sa akong classmate nga canon lawyer nga si Padre Sherwin nagkanayon siya: “Mao ni siya ang dilemma karon. kun dunay magtiayon kay gikasal sa gawas ug magpabunyag sa ilang anak unya pulos sila babaye sa baptismal register kinahanglang usa nila ang mopili ingon nga mama ug nahimong dili na I fill up kun kinsay papa? O pananglit kun ang bata natawo pinaagi sa surrogacy kinsa may tawgon nga inahan? Ang tag-iya sa semilya o ang nagsabak gyud mismo?”

Mao kini ang mga pangutana nga atubangon ning mga panahona karon. Lihok pa kaha ni sa Espiritu Santo? O bunga kini sa kapritso natong mga tawo ug sa liderato nga imbis magdala og og tarong dan-ag ug giya nagpasiugda man hinuon og dugang kagubot?